Негізгі терминдер мен анықтамалар

2. 
   тестілеу өткізу;
   
3. 
   тестілеу нәтижелерін өңдеу;
   
4. 
   есеп дайындау.
   

2. Негізгі терминдер мен анықтамалар

5. 
   Осы Нұсқаулықта мынадай терминдер тиісті анықтамаларымен бірге қолданылады:
   

1. 
   ОЖСБ – білім беру ұйымдарынан тәуелсіз, білім сапасын бақылаудың бір түрі;
   
2. 
   ҰБТӨП – ҰТО қызметінің жеке бөліктерін, соның ішінде өкілдік қызметін атқаратын ҰТО-ның құрылымдық бөлімшесі болып табылады. Мектептер орналасқан орнына байланысты әрбір ҰБТӨП-ке бекітіледі;
   
3. 
   базалық ҰБТӨП – облыс орталықтарында ҰБТӨП жұмысын үйлестірушілер, ҰТО директоры бұйрығымен бекітіледі;
   
4. 
   ҰБТӨП техникалық жабдықтары – компьютерлер, принтерлер, сканерлер;
   
5. 
   компьютерлік сыныптар қоры – тестілеу жүргізуге арналған, талап етілген сипаттамаларға сәйкес техникамен жабдықталған компьютерлік сыныптар жиынтығы;
   
6. 
   автоматтандырылған жұмыс орны (бұдан әрі - АЖО) – ОЖСБ-ні ұйымдастыру мен өткізу кезінде іске қосылатын компьютерлерге қондырылатын, деректерді өңдеуге және жинақтауға арналған ҰТО-ның арнайы бағдарламалық қамтамасыз етуі;
   
7. 
   телекоммуникациялық желі – телекоммуникациялық арналар мен спутниктік байланыс арқылы бір компьютерден екінші компьютерге ақпараттарды тасымалдауға мүмкіндік беретін арнайы байланыс;
   
8. 
   локалды есептеу желісі – бірлесе жұмыс жасауға және қолданушылардың қарым-қатынасына арналған, белгілі ара-қашықтықтағы және максималды белгіленген компьютерлер арасындағы мәліметтермен алмасу;
   
9. 
   Интервоид пакеті – құжаттарды сақтау мен тасымалдауда қолданылатын пломбаланған бір реттік пакеттер;
   
10. 
    электрондық тасымалдағыштар – есептеу техникасы құралдарының (CD-ROM, DVD-ROM, жартылайөткізгіштер (флеш-жады және т.с.с.), дискеттер)) көмегімен өңделетін ақпараттарды жазу, сақтау және қайта шығару үшін қолданылатын материалдық тасымалдағыш;
    
11. 
    ақпараттық анықтамалық - орта білім беретін мектептердің барлық типтері мен түрлері, ұлттар, азаматтық, облыстар мен аудандар коды жайлы арнайы мәліметтер базасы;
    
12. 
    тест – нақты пән бойынша тестілеуден өтушінің білім деңгейін, қабілеті мен дағдыларын тиімді бағалай алатын, белгілі бір нысандағы тапсырмалардың қиындық дәрежесі сараланған жүйесі;
    
13. 
    тест тапсырмасы – шарты (сұрақ) мен ықтимал жауаптардың жиынтығынан тұратын, пәннің мазмұнына сәйкес келетін, логикалық қарама-қайшылығы жоқ, дұрыс нысанды және дербестілік, технологиялық, тиімділік талаптарына жауап беретін тесттің ең аз бөлігі;
    
14. 
    емтихан материалдары (тестілеу материалдары) – тестілеуге арналған сұрақ кітапшалары мен жауап парақтары немесе компьютерлік бағдарламаға енгізілген тест тапсырмалары мен олардың жауаптары;
    
15. 
    сұрақ кітапшасы – оқушыға емтихан кезінде берілетін пәндер бойынша тест тапсырмалары жинақталған арнайы емтихан құжаты;
    
16. 
    жауап парағы – оқушы өз жауаптарын белгілейтін, нәтижелерді бағалау мақсатында сканерде оқуға арналған арнайы бланк;
    
17. 
    жауап парағының қызметтік қатарлары (секторлары) – келесі қатарларды толтыруға арналған жауап парағының арнайы қатарлары: «Тегі-Фамилия»,«Аты-Имя», «Жынысы-Пол», «Туған жылы-Год рождения», «Ұлты-Национальность», «Мектептің атауы-Название школы», «Нұсқа-Вариант», «Қолтаңба-Подпись»;
    
18. 
    пәндер бойынша жауаптарға арналған секторлар – пәндер бойынша тест тапсырмаларының жауаптарын белгілеуге арналған жауап парағының арнайы секторлары;
    
19. 
    лек – бір емтихандық кезең;
    
20. 
    тіркеу файлы – компьютерлер туралы деректер қоры;
    
21. 
    бағдарламаны тіркеу - «Тестіленуші» АЖО мен «Компьютерлік сынып» АЖО байланысын айыра білу;
    
22. 
    аудиториялық тізімі - «Тестіленуші» АЖО бағдарламасына кіруге арналған парольдері көрсетілген ағымдағы лектегі және аудиториядағы оқушылардың тізімі;
    
23. 
    тестілеу коды – ҰТО-ның бағдарламалық қамтамасыз етуімен жұмыс жасауға рұқсат алуға мүмкіндік беретін лекті ашуға арналған арнайы код;
    
24. 
    рұқсатнама – оқушының компьютерлік сыныпқа кіру құқығын беретін арнайы бланк;
    
25. 
    сканер - бланкілердегі ақпаратты компьютерге енгізуге арналған құрал;
    
26. 
    сканерлеу – сканердің көмегімен жауап парақтарындағы бастапқы деректерді қайта жасау процесі;
    
27. 
    жауап парақтарын теңестіру – жауап парағының қызметтік секторларына оқушылар қате толтырған деректерді түзету;
    
28. 
    тестілеудің емтихан ведомосі – тестілеу нәтижесі ресми түрде көрсетілетін тізім;
    
29. 
    дұрыс жауаптар коды – барлық тест тапсырмаларының дұрыс жауаптарының көрсеткіші;
    
30. 
    статистикалық деректер – тестіленушілер саны, тестілеу нәтижелері туралы деректер қоры;
    
31. 
    қорытынды файл – тестілеу нәтижелерінің қорытынды деректері.
    

3. Бағдарламалық және техникалық қамтамасыз ету

5. 
   ҰТО-да әзірленген мынадай бағадарламалар ОЖСБ өткізуді бағдарламалық қамтамасыз ету болып табылады:
   

1. 
   «ҰБТӨП базасы» АЖО – оқу орындары мен оқушылар саны туралы мәліметтерді жинақтау және көрсетуге арналған;
   
2. 
   «9 сынып ОЖСБ» АЖО – арнайы бланкте өткізілген тестілеу нәтижелерін өңдеуге және оқушылардың деректер базасын (бұдан әрі – ДБ) құруға арналған;
   

7. 
   Компьютерлік тестілеуде бағдарламалық қамтамасыз ету:
   

1. 
   «Мектеп (өтініш қабылдау)» АЖО – тестілеу өткізілетін компьютерлік сыныптар және олардың жабдықталуы туралы мәліметтерді, тестілеуге қатысушылар туралы ДБ қалыптастыру және лектерге бөлу үшін, мектептегі бір компьютерге қондырылады;
   
2. 
   «Оператор» АЖО – тестіленушілер тізіміне сәйкес тестілеуге қатысушылар туралы деректерді енгізуге арналған «Мектеп» АЖО-ға көмекші бағдарлама;
   
3. 
   «Оқушылар базасы (өтініш қабылдау)» АЖО – мектеп бойынша тестілеуге қатысушылар туралы ақпараттарды жинақтау үшін, мектеп бекітілген ҰБТӨП-тің бір компьютеріне қондырылады;
   
4. 
   «Тестіленуші» АЖО – пәндер бойынша аудиториялық тізімді қабылдау, тестілеуді өткізу, тестілеу нәтижелерін жіберу үшін тестілеуге арналған әрбір компьютерге қондырылады;
   
5. 
   «Компьютерлік сынып» АЖО – «Тестіленуші» АЖО қондырылған компьютерлердегі деректерді топтастыру, тестіленушілердің тіркелген деректерін өзгерту, «Тестіленуші» АЖО арналған пәндер бойынша аудиториялық тізім құру үшін; жеке пәндер бойынша тестілеу нәтижелерін қабылдау үшін әрбір компьютерлік сыныпта бір компьютерге қондырылады;
   
6. 
   «Мектеп (тестілеу)» АЖО – «Компьютерлік сынып» АЖО-дан деректерді топтастыру, тестілеу нәтижелерін жинау және «Оқушылар базасы (тестілеу)» АЖО-ға жіберу үшін мектептің тек бір компьютеріне ғана қондырылады;
   
7. 
   «Оқушылар базасы (тестілеу)» АЖО- ақпараттарды жинау, нәтижелерді өңдеу, емтихан ведомосын басып шығару және статистикалық мәліметтерді қалыптастыруға арналған, ҰБТӨП-тің бір компьютеріне қондырылады.
   

8. 
   ОЖСБ-ның техникалық қамтамасыз етілуі:
   

1. 
   Pentium – IV, HDD-20 Гб, ОЗУ 512 Мб, Windows XP, Office XP, USB 2.0 төмен емес сипаттағы компьютерлер, минутына 15-тен кем емес бет басып шығаратын, рұқсаты – 600 dpi лазерлік принтер, ScanMark 2010 сипаттағы маркерлік сканер.
   

8. 
   Компьютерлік тестілеудегі техникалық қамтамасыз ету:
   

1. 
   «Тестіленуші» АЖО үшін Pentium – IV, HDD-20 Гб, ОЗУ 512 Мб, Windows XP, Office XP, USB 2.0 төмен сипаттағы компьютерлер;
   
2. 
   «Компьютерлік сынып» және «Мектеп» АЖО үшін Pentium – IV, HDD-20 Гб, ОЗУ 512 Мб, Windows XP, Office XP, USB 2.0 төмен сипаттағы компьютерлер, минутына 15-тен кем емес бет басып шығаратын, рұқсаты – 600 dpi лазерлік принтер, USB Flashe drive;
   
3. 
   Internet-ке 128 Кбит/сек кем емес жылдамдықпен шығу;
   
4. 
   Жұмысқа ыңғайлы болу үшін компьютерлік сыныптарды мүмкіндігінше локальдық есептеу желімен жабдықтау қажет. Локальді есептеу желісі болмаған жағдайда ақпаратты тасымалдау сыртқы тасымалдағышты (флэш) қолданумен жүзеге асырылатын болады.