скачать doc
ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
Ы.АЛТЫНСАРИН АТЫНДАҒЫ ҰЛТТЫҚ БІЛІМ БЕРУ АКАДЕМИЯСЫ
ТЕХНОЛОГИЯ
ОҚУ БАҒДАРЛАМАСЫ
5-9 сыныптар
Аcтана 2010
ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
Ы.АЛТЫНСАРИН АТЫНДАҒЫ ҰЛТТЫҚ БІЛІМ БЕРУ АКАДЕМИЯСЫ
ТЕХНОЛОГИЯ
жалпы білім беретін мектептің 5-9 сыныптарына арналған
ОҚУ БАҒДАРЛАМАСЫ
Астана 2010
Қазақстан Республикасы Білім және ғылым министрінің 09.07.2010 жылғы №367 бұйрығымен бекітілген
Бағдарлама авторлары: Устемиров К. У., Чимекеева Г. М.,
Каимова Р. Т., Ирсимбетов М. М., Кенжебеков Б.Т., Кутпанбаев А.К., Калназаров Б.М., Литвинова Т.В., Нуралиева С.К.Жалпы білім беретін мектептің 5-9 сыныптарына арналған «Технология» оқу бағдарламасы .– Астана, 2010. – 50 б.
© Ы.Алтынсарин атындағы
Ұлттық білім беру академиясы, 2010
I. ТҮСІНІК ХАТ
Оқушыларды техника мен технологияның даму бағыты, жаңа материалдар, еңбек және тұрмыс мәдениеті, өндірістік процестердің аутоматтандырылуы, компьютерлендірілуі мен экологияландыруымен қоса қазіргі өндірістің технологиялық процестерімен таныстыруға бағытталған «Технология» білім беру аймағы жалпы білім берудің міндетті компоненттері болып табылады.
«Технология» оқу пәнінің жалпы мақсаты - жас ұрпақты әлеуметтік белсенділікке, өндіріс пен қоғамның арасындағы байланысын түсінуі сонымен қатар қоршаған ортаға технологияның әсерін білу, технологиялық сауаттылығын қалыптастыра отырып, жауапкершілікке, тиянақтылыққа, қоғамның арасындағы байланысын түсінуі сонымен қатар қоршаған ортаға технологияның әсерін білуге тәрбиелеу болып табылады.
Оқу пәнінің міндеттері:
Қойылған мақсаттарға сәйкес келесі міндетттер анықталған:
оқушы тұлғасының, әлеуметтік және кәсіби қалыптасу проблемаларын
түсіну негізінде өзіндік саналылығы мен өмірлік тәжірибесінің бірлігі
арқылы қабілеттерін дамыту;
оқыту процесін ұйымдастыруға денсаулық сақтау көзқарастарын
қамтамасыз ету;
технологиялық жүйелік ойлау қабілетін қалыптастыру,- жобалық қызметті ұйымдастыру, графикалық мәдениетін қалыптастыру, технологиялық және техникалық қызмет аймағында сұранысқа сәйкес қолданбалы міндеттерін шеше білуін қалыптастыру;
Оқу пәнінің мазмұны біртұтастық ұстанымына сай құрыла отырып, концентрлік тұрғыда дамиды. Оқу пәнінің құрылымы «жекеден жалпыға», «жақыннан алысқа» ұстанымдарына бағынады, оқу пәні арқылы білім алушылардың жеке өмірлік тәжірибесіне негізделген дүниенің қарапайым бейнесінен ғылыми дүниетанымдық бейнесіне өту арқылы қамтамасыз етіледі. Әртүрлі қызмет аймағында технологияға бағыттау біліктілігін қалыптастыру; еңбек нарығында тиімді өзіндік қызмет етуге және кәсіби білім беру жүйесінде білімін жалғастыруға дайындау.
Өз мазмұнында «Технология» білім беру аймағы оқушылардың жалпы білім беру даярлығының политехникалық және қолданбалы құрылымдарын ашады, мемлекет, қоғам мен тұлғаның қызығушылықтары мен мүмкіншіліктерінің үйлесімдігі Қазақстан Республикасының жалпыға міндетті мемлекеттік жалпы орта білім беру стандарты негізінде қарастырылған.
Пән бойынша оқу жүктемесі:
5 сыныпта аптасына – 2 сағат, оқу жылында 68 сағатты құрайды;
6 сыныпта аптасына – 2 сағат, оқу жылында 68 сағатты құрайды;
7 сыныпта аптасына – 2 сағат, оқу жылында 68 сағатты құрайды;
8 сыныпта аптасына – 2 сағат, оқу жылында 68 сағатты құрайды;
9 сыныпта аптасына – 2 сағат, оқу жылында 68 сағатты құрайды.
Оқу пәні мазмұнының вариативті бөлігі.
Қазақстан Республикасы мемлекеттік жалпыға міндетті орта білім беру стандартындағы базалық білім мазмұны аясында мектептің мүмкіндігін және оқушылар мен ата-аналардың талап-тілектерін ескере отырып, таңдау тақырыптары ұсынылады.
ІІ. ОҚУ ПӘНІНІҢ БАЗАЛЫҚ МАЗМҰНЫ
5-сынып
(барлығы – 68 сағат, аптасына 2 сағат)
Ауыл шаруашылығы өндірісінің техникасы мен технологиясы (ауыл мектептерінің ұлдары үшін 18 сағат)Техникалық-технологиялық мәліметтер. Егіншілік туралы түсінік. Топырақ туралы ұғым. Топырақтану. Топырақтың қасиеттері. Топырақтың құрамы мен қасиеттері.
Топырақты өңдеу, оның түрлері. Топырақты қолмен өңдеу, ауыл шаруашылығы техникасы көмегімен өңдеу. Топырақ өңдейтін машина туралы түсінік.
Топырақты тыңайту. Тыңайтқыш түрлері. Ауыспалы егіс: егістік, мал азықтық, шалғындық. Ауыл шаруашылығын суландыру жүйесі. Суландыру. Құрғату. Топырақты қорғау үшін отырғызылған орман алқаптары. Топырақты қорғау шаралары.
Ауыл шаруашылығының негізгі мамандықтары. Гүл өсіру - өсімдік шаруашылығының бір саласы, оған жалпы сипаттама.
Бір жылдық, екі жылдық және көп жылдық өсімдіктерге агробиологиялық сипаттама. Сәнді дақылдардың көбею жолдары.
Құрал-жабдықтар. Кетпен, күрек, зембіл, елеуіш, тырма, айыр, қазық, жіп, арқан.
Көрнекілік. Кепкеншөп. Тыңайтқыштар коллекциясы, топырақ түрлері. Топырақ өңдейтін машинанын макеті. Кинофильм, диафильм.
Топсеруен. Егін алқабы, жылыжай, астық қоймасы,мектептің тәжірибе үлескісі.
Практикалық жұмыс. Ауыл шаруашылық жұмыстарын орыңдау кезінде қауіпсіздік техникасы ережелерін меңгеру.
Күзгі топырақты өңдеуге дайыңдық. Тыңайтқыш себу. Үлескіде көктемгі топырақ өңдеу.Топырақ өңдейтін техника түрлерімен танысу. Топырақтың сапасын және құрамын анықтау. Ауыспалы егістіңжобасын жасау.
Сәндік-гүлді өсімдіктердің тұқымын жинау. Ашық алаңдарға гүл тұқымын себу. Көпжылдық гүлді өсімдіктерді қысқа даярлау. Күзде қызғалдақ, нарцисс және т.б. жуашықтарын отырғызу. Сәнді өсімдіктерді мектептің гүл алаңында, тірі табиғат бұрышында, жылыжайда күтіп-баптау.
Егіс алқабында топырақтың сыртқы белгілерінің және оның ылғалдылығы мен механикалық құрамын анықтау.
Машинатану элементтері негізінде конструкциялық материалдарды өңдеу технологиясы (ауыл мектептерінің ұлдары үшін 10 сағат, қала мектептерінің ұлдары үшін 16 сағат)
Техникалық-технологиялық мәліметтер. Ауыл шаруашылығы машиналарының жеке бөлшектері мен механизмдері туралы түсінік. Конструкциялық материалдардың түрлерімен (металл, ағаш, полимерлік және керамикалық материалдар), олардың қасиеттерімен танысу.
Бөлшектің техникалық суреті, нобайы, сызбалары туралы түсінік; олардың өлшемдерін белгілеу.
Еңбектің адам өміріндегі маңызы. Еңбек құралдары мен түрлері туралы жалпы түсінік. Ағаш, металл, пластмасса өңдеу салаларындағы жұмысшы мамандықтар.
Ағашты халық шаруашылығында табиғи байлық, конструкциялық материал ретінде пайдалану. Халық шаруашылығында ағаштың маңызы және қолданылуы. Ағаштың құрылысы және тұқымы, олардың сипаттамалық белгілері. Ағаштың текстурасы, пайдалануы.
Ағашпен жұмыс істеу әдістері: өлшеу, аралау, кесу, сүргілеу, тазалау, жону, шабу, бұрғылау, бояу.
Ағашты өңдеу және даярлау кезінде қоршаған ортаны қорғау. Ағаш өңдеуді үйрету оқушыларға эстетикалық, экономикалық тәрбие беру.
Қара металды алу. Тұрмыста болатты пайдалану.
Түсті металл және оның құймалары. Металдарды кесу әдістері. Қауіпсіздік техникасы ережесін сақтау.
Металдың майысқыштығын түзету. Бүгу әдістері. Металды төске қойып шабу. Шабу әдістері. Металды аралау. Бөлшектерді тойтарма арқылы біріктіру.
"Құрал-жабдықтар. Қол ара, лобзик, бұрғы, сүргі, балға, қысқыш, слесарлық сызғыш, үшбұрышты сызғыш,кернер, ағаш балға, тістеуік, верстак, өлшеуіш құралдар, лак,
бояу.
Көрнекілік. Ағаш, металл, сымтемірден жасалған заттардың дайын үлгілері.
Топсеруен. Ағаш, темір шеберханалары.
Практикалық жұмыс. Техникалық суреттің және бұйымның долбарын жасау, өлшемін анықтау.
Даярлау әдістері. Кесу, сүргілеу, тесу, ағашты тазалау. Бөлшектерді біріктіру, құрастыру, лактау.
Дөңгелек және түзу металдарды жону. Металл кескіш арамен темірді кесу. Металдың бетін тегістеп аралау. Металдарды бір-біріне тойтармамен байланыстыру.
Сәндік қолданбалы өнердің элементтері негізінде материалдарды көркемдеп өңдеу (ауыл мектептерінің ұлдары үшін 18 сағат, қала мектептерінің ұлдары үшін 22 сағат)
Ағашты көркемдеп өңдеу
Техникалық-технологиялық мәліметтер. Ағашты көркемдеп оюды дамыту мен оның түрлері туралы мәлімет. Оқушының жұмыс орны. Құрал-жабдықтар.
Ағаш - көркем еңбекке арналған материал. Тақтайды таңдау және кептіру. Сақтау.
Ағашты көркемдеп өңдеу технологиясы. Көркем сызу. Ою-өрнектер. Трафарет жасау.
Ағашты өңдеу негізі: аралау, сүргілеу, белгілеу, ұштау, әрлеу.
Кесу құралдарымен жұмыс істеу қауіпсіздік ережелерінен негізгі мәлімет. Жұмыс киімі. Оқушының жеке басы тазалығы. Ағашқа көркемдеп оюды жүргізудің бастапқы түрлерінің техникасы.
Ағашқа геометриялық оюды орындау технологиясы.
Құрал-жабдықтар. Ағаш шеберлігі мен ағашты көркемдеп оюға арналған құрал-сайман топтамалары. Қарындаш, сызғыш, қағаз, тақтайлар, жұқа қатырмақағаз.
Көрнекілік. Құрал-саймандар және ағашты көркемдеп өңдеу технологиясы түрлерінің плакаттары. Геометриялы өрнекті оюдың түрлері, диафильм, диапозитивтер.
Демонстрациялау. Ағашты өңдеу элементтерін пайдалану. Құрал-жабдықтарды сақтау орны, олардың жұмыс үстеліңде орналасуы. Ағашты өңдеу және көркем өңдеу үшін тиісті құралдарды пайдаланудың қауіпсіз тәсілдері
Топсеруен. Мұражай, көрме, ағаш өңдеу шеберханалары.
Практикалық жұмыс. Ағашты алғашқы өңдеу, тақтай бетіне өрнекті белгі салу. Өрнек оюдың алғашқы түзу және жіңішке сызықтарын, бейнелі сызық сызуға, геометриялық өрнек бейнелерін пышақпен немесе қашаумен орындаудың тәсілдеріне қолды жаттықтыру. Өсімдік, жануар текті және геометриялық денелер бейнесіндегі ("Төртбұрыш","Үшбұрыш", "Квадрат") өрнектерді сызу. Өрнекті қатар және тізбектей сызу. Ағаш тақтайшаға ою-өрнек тізбегін салу, бедерлеу, түрлендіру.
Табиғи материалдармен жұмыс.
Металл өңдеу
Техникалық-техникалық мәліметтер. Қазақстан халықтарының металл бетіне бедер салу өнері. Жалпақ материалды бедерлеуде пайдаланылатын мыстың, алюминийдің және олардың құймаларының қасиеттері.
Бедерлеу өнерінде ритмнің, тепе-тендіктің, ою-өрнектің алатын орны. Жұмсақ сымнан сырға, моншақ жасау.
Слесарлық және арнаулы бедер салатын құралдар, олардың қызметі, экономикалық, эстетикалық қасиеттері. Құралдарды сақтау.
Қауіпсіз жұмыс істеу ережелері. Оқушы гигиенасы.
Құрал-жабдықтар. Оқу шеберханасын жабдықтау. Слесарлық құралдар, бәкі, балға, шеңбер сызғыш, ағаш, шапқы, қышқыштар, қалың темір, кемпірауыз.
Көрнекілік.Түрлі-түсті металдан жасалған қаңылтыр кесінділері.
Демонстрациялау. Қаңылтыр, сым материалдардың қаттылығы мен жұмсақтығы. Балғалардың әр түрі. Материалдарды жұмысқа дайындау. Ағашты әрлендіру әдістері. Плакаттар, құралдар, ою-өрнектредің графикалық сызбасы. Технологиялық карталар. Сәнді бұйымдардың үлгісі.
Топсеруен. Мұражай, сәнді-қолданбалы өнерінің көрмелері. Сувенирлер дүкені.
Практикалық жұмыс. Жұмыс орнын және құрал-саймандарды жұмысқа дайындау. Жұмсақ сымтемірден дайындамалар жасау.Қаңылтыр бетін қарапайым сызықтармен бедерлеу және зергерлік жұмыстарын орындау. Бедерлеу элементтері: түзу сызық, үшбұрыш, төртбұрыш. "Түйемойын" ою-өрнегі, жазықтықта өсімдік тектес ою-өрнекті
бедерлеу.
Өсімдік тектес өрнектер мен геометриялық формалардан қарапайым композиция құрастыру.
Тері өңдеу
Техникалық-технологиялық мәліметтер. Қолданбалы өнердің негізгі шикізаты - тері өнімі. Теріні өндеу бойынша технологиялық мәліметтер. Теріден таспа тілу. Ат саймандары.
Оқушының жұмыс орнына құралдарды орналастыру. Қауіпсіз жұмыс істеу тәсілі. Оқушының гигиенасы.
Құрал-жабдықтар. Пышақ, қайшы, біз, сызғыш, тері кесінділері, былғары таспалары.
Көрнекілік.. Теріден жасалған қарапайым сыйлық заттары. Таспалар. Тері кесінділері, плакаттар.
Демонстрациялау. Теріден қарапайым сыйлық жасау технологиясы. Диафильм және слайдтар.
Топсеруен. Тігін цехы. Тері өнімін өңдейтін цех. Аяқ киім фабрикасы.
Практикалық жұмыс. Теріден "Қошқар мүйіз", "Құс қанаты" өрнектерін үлгі бойынша қию. Өрнектерді сыйлық заттарына тігу. Сыйлық бұйымдарын жасау.
Жапсырмалау өнері
Техникалық-технологиялық мәліметтер. Жапсырма жұмысының шығу тарихы. Жапсырмалау элементтері. Түрлері. Қала құрылысыңда және басқа да ғимараттарда кездесетін қарапайым жапсырмалау жұмыстары. Үйдің маңдайшасын, бағанасын жапсырмалау және оның техникасы. Құйма. Қайта жөндеу, әрлеу жұмыстары. Қауіпсіз жұмыс істеу ережелері. Гигиенаны сақтау.
Құрал-жабдықтар. Тақтайша, балға, шеге, қырғыштар, балшық, ермексаз, гипс, алебастр, сызғыш, арнайы майлар, циркуль, қарындаш, бояу, қылқалам.
Көрнекілік. Дайын бұйымдар, жапсырмалауға арналған бөлшектер. Плакаттар.
Демонстрациялау. Мүсін бөлшектері және оны тетіктерінің жалпы түрі.
Топсеруен. Мұражайлар, мүсін шығармашылығы мен жапсырмалау шеберлерінің көрмесі.
Практикалық жұмыс. Көрнекті құрал арқылы объектіні жапсырмалау жұмысы.
Үлгімен жұмыс. Жапсырмалау жапсырмалау жұмыстарын Арнаулы жұмыс киімін кию. Тегістеу технологиясы.
Өру өнері
Техникалық-технологиялық мәліметтер. Өру өнерің шығу тарихы. Өру тәсілдері. Қайың қабығынан, қамыстан,шиден ,теріден өру түрлері және макраме техникасындағы өру түрлері. Өру жұмысына керекті заттарды дайындау ережесі. Кескіш құралдармен қауіпсіз жұмыс істеу ережелері.
Макраме техникасымен бұйым дайындау технологиясы.
Құрал-жабдықтар. Жіп, шеңбер, қайшы, ілгектер, жіп орайтын шығыршық, түйреуіш, жастықша.
Көрнекілік. Дайын ерілген заттардың үлгілері.
Демонстрациялау: Жіптен еру бөліктерінің дұрыс орындалуы. Өткір құралдармен қауіпсіз жұмыс істеу тәсілін көрсету.
Практикалық жұмыс. Өруге қажетті материалдарды дайындау. Өру тәсілдері бойынша жаттығу жұмыстарын жүргізу. Қарапайым өрнектермен сыйлық заттарын жасау: панно "Шым ши", макраме.
Жеміс-көкөніс дақылдарын өсіру технологиясының негіздері (ауыл және қала мектептерінің қыздары мен қала мектептерінің ұлдары үшін 8 сағат)
Техникалық-технологиялық мәліметтер. Көкөніс дақылдарының негізгі сипаттамасы. Көкөніс дақылдарының ауыспалы егісі. Пиязшық (пияз, сарымсақ), оларды отырғызу әдістері. Капустаның сорттары (капуста, шалқан), оларды өсіру ерекшеліктері. Қызанақты егу кезінде экологиялық-биологиялық ерекшеліктерді ескеру.
Жабық алаңдардың түрлері. Көшетті отырғызу әдістері.Көшеттерді шырпу және көшеттерді күту. Көшеттерді ашық алаңға отырғызу. Кәді және қияр. Тамыр жемісті дақылдарға жалпы сипаттама. Асханалық қызылша мен сәбізді отырғызу әдістері.
Құрал-жабдықтар.Күрек,тырма,айыр, шелек, су сепкіш,пакеттер,секатор. Егетін және отырғызатын машина макеті.
Көрнекілік.Көкөніс дақылдары тұқымдарының жиынтығы,плакаттар,кестелер, диафильмдер.
Топсеруен. Көкөніс сақтау орны. Бау-бақша.
Практикалық жұмыс. Пияз бен сарымсақты отырғызуға даярлық. Көкөніс дақылдарының көшеттерін шырпу. Топырақты көкөніс дақылдарына арнап әзірлеу. Көшеттерді ашық алаңға отырғызу.
Қияр өсімдіктерін күту. Тамыр жемістілердің өнімін жинау және есептеу.
Тәжірибе қою ережелері және күнделік жүргізу.
Сәндік қолданбалы өнер элементтері негізіндегі көркемдік қолөнер технологиясы. Тігін бұйымдарын модельдеу (ауыл және қала мектептерінің қыздары үшін 24 сағат)
Техникалық-технологиялық мәліметтер. Өсімдіктерден алынатын мата талшықтары (мақта, зығыр). Жануарлардан алынатын мата талшықтары (жүн, жібек), олардың ерекшеліктері.
Мата туралы жалпы мағлұмат. Өру түрлері. Бетінің сипатына қарай мата түрлері: жылтыр, сырғымалы, түкті.
Тігін машинасымен танысу. Тігін машинасының түрлері: әмбебап, арнайы, жартылай автоматты, үй тұрмысында қолданатын машина түрлері (қол машина, аяқ машина, электрлі жетекші машина). Тігін машинасында түзу тігіс жүргізуге үйрету. Машина тігісінің сапасын анықтау.
Алжапқыш және бас орамал тігу: сызбасын сызу, өлшемін түсіру, моделін тандау, моделдің сыртқы түрін сипаттау. Сантиметрлі таспаны дұрыс пайдалану. Алжапқыш пен бас орамалдың үлгісін дайындау. Пішуде матаны үнемді пайдалану. Қауіпсіздік техникасы ережесін сақтау.
Бұйым дайындауда сәндік-қолданбалы қолөнер элементтерін пайдалану: кестелеу, жапсырмалау, моншақпен кестелеу, шашақтау. Жұлдызшалы, алты бұрышты, төрт бұрышты құрақ құрау. Құрақ құрау технологиясы бойынша бұйым жасау (көрпеше, жастықша, тұтқыш, шәйнек қойғыш).
Құрал-жабдықтар. Тігін машинасы, ине, қайшы, сызғыш, сантимерлік таспа, бор, қарындаш, ілгекше, сәнді түйреуіштер, тақтайша, жіп.
Көрнекілік. Тігін машинасының сызбасы. Тігін машинасының түрлері (аяқ машинасы, электр машинасы және механикалық машина). Матаның негізгі және арқау жіптерін анықтау кестесі. Мата түрлерінің жиынтығы. Нұсқау карталар.
Демонстрациялау. Матаның талшықты құрамын жағу арқылы анықтау. Матаның негізгі және арқау жіптерін керсету. Тігін машинасын жұмысқа дайындау.
Топсеруен. Сән ательесі. Мұражай, тігін фабрикасы.
Практикалық жұмыс. Адам денесінің өлшемін алу. М1:1 өлшемін пайдаланып, алжапқыш және бас орамал сызбасын жасау. Өлшемдері бойынша үлгіні пішіп қиып, мата бетіне орналастыру. Қол және машина тігістерін қолдану. Сәндік-қолданбалы өнер бұйымдарын (жапсырмалап, кес-телеп, таспа бастыру арқылы) сәндеу.
Тамақ әзірлеу технологиясы (қала және ауыл мектептерінің қыздары үшін 10 сағат)
Техникалық-технологиялық мэліметтер. Адам ағзасына дұрыс тамақтанудың маңызы. Ас үйде жұмыс орынды тиімді ұйымдастыру. Тамақ дайындауда қауіпсіздік ережелерін, жеке тазалықты сақтау. Ас ыдыстары мен құралдарының қолданылатын орындары.
Екінші түскі және түстен кейінгі асқа дастарқанды әзірлеу ережелері. Сулықтарды бүктеу тәсілдері.
Көкөністердің түрлері, тағамдық құңдылығы, алғашқы өңдеу тәсілдері. Көкөніс салаттарын дайындау негіздері.
Бутербродтар. Бутербродтарды дайындауға қажетті негізгі азық-түліктер. Майлы қоспалар.
Нан. Нан өнімдерінің тағамдық құндылығы. "Нанға" байланысты мақал-мәтелдер, әдет-ғұрыптар, салт-дәстүрлер. Нанды адам ағзасына зиянсыз орауыштарда сақтау жағдайлары.
Бутербродтарға арналған сусындар: шай, кофе және т.б.
Тағамдардың дәмін тату туралы түсінік. Тағамдардың сапасының органолептикалық бағасы.
Экологиялық таза азық-түліктер мен ыдыстарды пайдалану туралы түсінік. Тағамды дайындау кезінде азық-түліктерді үнемдеу және тиімді жұмсау.
Құрал-жабдықтар. Тақтайша, пышақ, тегеш, тарелкалар, қасықтар, шанышқылар, шұңғыл ыдыстар.
Көрнекілік. Нұсқау карталар. Табиғи азық-түліктер.
Демонстрациялау. Нан және басқа тағамдарды кесу, турау тәсілдері. Плакаттар, сызба, кестелер.
Топсеруен. Қоғамдық тамақтану орны.
Практикалық жұмыс. Көкөністі қолданып бутерброд дайындау. Бутербродпен ішетін сусындар. Кептірілген наннан дайындалатын тағамдар. Нанды әр түрлі етіп кесіп, бутерброд жасау.
Көкөністерден салат дайындау. Оларды әшекейлеу. Түстен кейінгі асқа әзірлік. Астың оргалептикалық сапасын анықтау. Сулықтарды бүктеу тәсілі.
Үй мәдениеті. Тұрмыстағы техника (ауыл мектептері мен қала мектептерінің ұлдары үшін 6 сағат, ауыл және қала мектептерінің қыздары үшін 10 сағат)
Техникалық-технологиялық мәліметтер. Тұрғын үйдің безендірілуі. Киетін киімді және аяқ киімдерді күту, тазалау. Киімдерді қарапайым жөндеу жұмыстары. Қонақтарды қабылдау ережелері. Отбасындағы әйел мен еркектің міндеттері. Гүл шоғын жасау талаптары және оны сыйға тарту өнері. Салауатты өмір салтының принциптері.
Электрлік техникалық жұмыстар үшін жұмыс орнын жабдықтау; қауіпсіз ережелерін сақтау.
Қарапайым тармақталған және тармақталмаған электр тізбегінің сұлбасы. Электрлік және радиосұлбалардағы элементтердің шартты белгілері. Электр тізбегі мен оның элементтері туралы түсінік.
Құрал-жабдықтар. Аяқ киім щеткасы, аяқ киім кремі, қайшы, мақта, желім, тістеуік, кемпірауыз, бұрандалар жиынтығы, изолента, пинцет.
Көрнекілік. Тұрғын үй жобасы жөніндегі плакаттар. Электр және электр-радио бөлшектері, электрлік техникалық жұмыстармен жұмыс істеу қауіпсіздік ережелері. Диафильм, кинофильм. Гүлдер. Тұрмыстық электр заттары.
Топсеруен. Электр-радио шеберханалары, телешеберхана.
Практикалық жұмыс. Тұрғын үй және мектептің сыныптарын әрлеу, әшекейлеу.
Гүлдерден гүл шоғын құрастыру.
Шаш сән үлгісін тандау.
Терезені жылылау. Еден саңылауларын бітеу. Линолеумнің бүлінген бөліктерін жапсыру.
Қарапайым электр, радиосұлбаларды оқу және құрастыру.
Сұлба тетіктерін тандау және құрастыру. Өткізгіштерді тұйықтау. Құраманың дұрыстығын тексеру.