скачать doc
ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМИ МИНИСТРЛІГІ
Ы.АЛТЫНСАРИН АТЫНДАҒЫ ҰЛТТЫҚ БІЛІМ БЕРУ АКАДЕМИЯСЫ
НЕМІС ТІЛІ
ОҚУ БАҒДАРЛАМАЛАРЫ
5-9 сыныптар
Аcтана
2010
Қазақстан Республикасы білім және ғылым министрлігі
Ы.Алтынсарин атындағы ұлттық білім беру академиясы
НЕМІС ТІЛІ
Оқыту қазақ тілінде жүргізілетін жалпы орта білім беретін мектептің
5-9 сыныптарына арналған
БАҒДАРЛАМАЛАР
Астана
2010
Қазақстан Республикасы Білім және ғылым министрінің 09.07.2010 жылғы №367 бұйрығымен бекітілген
Бағдарлама авторлары: Жұмағұлова Б.С., Нұрбекова Г.Ж., Атейбек С.Т.
Оқыту қазақ тілінде жүргізілетін жалпы білім беретін мектептің 5-9 сыныптарына арналған «Неміс тілі» оқу бағдарламасы .– Астана, 2010. – 31 б.
© Ы.Алтынсарин атындағы
Ұлттық білім беру академиясы, 2010
І. ТҮСІНІК ХАТ
Ұсынылып отырған «Шетел тілі» (неміс тілін) оқу пәні білім берудің «Тіл және әдебиет» саласына кіреді. Оқу пәні тіл материалын (фонетика, лексика, грамматика), сөз әрекетінің түрлерін (тыңдап түсіну, сөйлеу, оқу және жазу), оқытылып отырған тілдің мәдениетаралық-коммуникативтік қызметін қамтиды.
«Шетел тілі» пәнінің мектептегі басқа пәндерден ерекшелігі сол, ол тек тілдік білім жүйесін (фонетикалық, лексикалық, грамматикалық) оқытумен шектелмейді, ең бастысы шетел тіліндегі сөз әрекетін мәдениетаралық қарым-қатынас құралы ретінде меңгертіп, нәтижесінде көптілдік және көптүрлі мәдениетті түсінетін тұлғаны қалыптастырудағы рөлімен дәйектеледі.
Оқытуда екінші тілдік тұлғаны қалыптастыруға септігін тигізетін тіл формасы мен мазмұнының ара қатысы, тіл мен мәдениеттің, тіл мен ойдың өзара тікелей байланысы аталған пәннің негізгі заңдылықтарының негізін қалайды.
Оқу пәні ретінде шетел тіліне басқа пәндермен өзара пәнаралық байланыс тән, себебі шетел тіліндегі сөйлеудің пәндік мазмұны басқа білім салаларынан алынатын мағлұматтарға сүйенеді. Пәнаралық байланыстарды жүзеге асырудың білімдік әрекеттік нәтижесі оқушылардың универсалды сипаттағы білімдерін кеңейтуде, шеттілдік қарым-қатынастың пәндік мазмұндық аспектісін байытуда, оқу мотивациясын арттыруда, жеке тұлғаны және оның білім алу мен өзін-өзі жетілдіруін дамытуда көрінеді.
Негізгі мектепке арналған неміс тілін курсы жалпы орта білім беру деңгейінде білім алуға дайындауға бағытталады, яғни ол шетел тілін меңгерудің жалпы европалық деңгейлеріне (А1), (А2) сәйкес келеді. Неміс тілін оқыту тәрбиелеу, басқа ұлт мәдениетін және өкілдерін танып (ұғынып) өзара әрекет ету құралы ретінде, шетел тілін әрі қарай меңгеруін дамытуға бағытталған: негізгі орта мектеп (5-9 сыныптар). Осыған сәйкес негізгі орта мектепте неміс тілін оқытудың мақсаттары мен міндеттері анықталады.
Оқу пәнінің жалпы мақсаттары:
Шетел тілін оқытуда 2-4 сыныпта қол жеткен оқытудың бастапқы деңгейін негізге ала отырып, негізгі орта білім беру деңгейінің үздіксіздік ұстанымына сәйкес шеттілдік біліктіліктердің ары қарай тереңінен қалыптасуы мен дамуын көздейді. Оқушылардың шетел тілі бойынша дайындығының негізгі (жалпы білім беру) деңгейінің мазмұны А1 және А2 деңгейіне сәйкес келеді.
«Шетел тілі» оқу пәнінің жалпы мақсаттары:
көптілдік тұлғаны қалыптастыру: әлемдік мәдени құндылықтарды бағалау, мәдениет диалогы арқылы өз елінің мәдениеті туралы білімін кеңейту, дүниеге гуманистік көзқарасты тәрбиелеу;
мәдениетаралық коммуникативтік біліктіліктер мен оның құрамдық бөліктерін қалыптастыру: тілдік – тілдік құралдарды және оларды шеттілдік қарым-қатынас жасауда қолдану ережелерін меңгеру, сөздік – сөз әрекетінің 4 түрінде шетел тілінде қарым-қатынасты жүзеге асыру, әлеуметтік-мәдени, лингвомәдени, компенсаторлық –лингвистикалық құрал ретінде вербальды (синонимдер, антонимдер, парафразалар, дефиниция) және вербальды емес (ым-ишара, мимика, дене қозғалысы) жолдарын қолдана алу қабілетін қалыптастыру;
жалпы европалық деңгейлер шеңберінде (А1, А2) оқушылардың тілін оқып отырған елдің мәдени нормаларын, салт дәстүрлерін өз елі мәдениетінің ұлттық салт дәстүрлерімен салыстыра отырып меңгерту;
оқу-тілдік жағдаяттарында дұрыс лингвомәдени қарым-қатынас жасау қабілетін қалыптастыру;
тілді тек қана коммуникативтік мақсатта ғана емес, сонымен қатар әлемдік шеттілдік ортаны тану құралы ретінде қолдану; неміс тілі құралдары арқылы оқушылардың танымдық әрекеттерін ары қарай дамыту: ойлау, есте сақтау, назар аудару, ерік-жігер қасиеттері және шетел тілін ары қарай меңгеру мен білімен жетілдіру үшін қызығушылығын арттыру;
неміс тілін меңгеруде спецификалық іскерліктерді қалыптастыру: қостілдік, түсіндірме сөздіктермен, шеттілдік мәтіндермен, сөздік және грамматикалық минимуммен жұмыс істеу, ақпараттық коммуникациялық технологияларды меңгеру.
5-9 сыныптарда «Шетел тілі» (неміс тілін) оқу
пәнінің міндеттері:
мәдениетаралық коммуникативтік біліктіліктерді барлық құрамды бөліктерімен жалпы европалық деңгейлік стандартқа сәйкес (А1, А2 деңгейлері) ары қарай дамыту;
жеке тұлғаға бағытталған, біліктілік, жүйелілік, лингвомәдени және проблемалық тәсілдер негізінде шеттілдік білім беруді жүзеге асыру;
проблемалық сипаттағы тапсырмаларды шешу, оқып отырған тіл құралдарын қолдана отырып өз бетінше шешім қабылдау іскерліктерін қалыптастыру;
оқушыларда шетел тілін меңгеруде өзін-өзі бағалау іскерліктерін қалыптастыру: өз ісіне талдау жасау, өзін-өзі бағалау, білім алуға талпыну;
шетел тілін оқыту және тілін оқып отырған ел мен өз елінің мәдениет диалогы процесінде интеллектуалдық және шығармашылық қабілетерін дамыту.
Оқу пәнінің мазмұнын іріктеу әдіснамалық, сондай-ақ жалпы дидактикалық және әдістеменің төл ұстанымдарына негізделеді.
Әдіснамалық ұстанымдар: танымдық, коммуникативтік, әлеуметтік-мәдени, лингвомәдени рефлексивтік дамытушылық.
Жалпыдидактикалық ұстанымдар:
Үздіксіздік ұстанымы әдіснама, әдістеме, оқыту мазмұны мен технологиясының оқытудың барлық деңгейлерінде өзара байланыста болуын қамтамасыз етеді.
Саналылық ұстанымы шетел тілін оқытуда «саналы оқытудың құрамдас бөлігі» ретінде ана тілінің қатысын қамтамасыз етеді; тілдік білімді шеттілдік тәжірибеге дейін жеткізуді көздейді; шетел тілін оқыту үрдісінде өз бетінше саналы түрде шешім қабылдауға үйретеді.
Көрнекілік ұстанымы баланың ойында мағынаның қабылдануын нақты жағдаятта «сол ортада өзін сезінетіндей жағдай туғызатын» барлық көрнекіліктерді (вербальді, иллюстративтік, сонымен қатар мұғалім қолданатын ым-ишара) қолдана отырып қамтамасыз етуді көздейді.
Белсенділік ұстанымы үш топ ұстанымын қамтиды: жеке тұлғаға бағытталған, мәдениетке бағытталған және әрекетке бағытталған ұстаным. Жеке тұлғаға бағытталған ұстанымға төмендегілер кіреді: барабарлық ұстанымы, дамытушылық ұстанымы, психологиялық тұрғыдан жайлылық ұстанымы. Мәдениетке бағытталған ұстаным құрамында: әлем бейнесі ұстанымы, білім беру мазмұнының тұтастық ұстанымы, жүйелілік ұстанымы, әлемге мағыналық тұрғыдан қарау ұстанымы, білімнің мақсатқа бағытталу ұстанымы, мәдени стереотип және әлемдік көзқарас ретінде мәдениетке бағытталған ұстаным енеді. Әрекетке бағытталған ұстаным тобы оқушының оқу әрекетін басқаратын ережеден тұрады: әрекеттегі оқу ұстанымы, оқу жағдайындағы әрекеттен шынайы өмір әрекеті жағдаятын ауысу ұстанымы, оқу танымдық әрекеттен оқушының өз бетінше әрекетіне ауысу ұстанымы, дамытушылыққа сүйенетін ұстаным, шығармашылық іскерлігі және шығармашылық қажеттілікті қалыптастыру ұстанымы.
Жүйелілік және бірізділік ұстанымы сабақ, тақырып, тоқсан үрдісінде тілдік материалды қайталау, қорытындылау және жүйелеу негізінде келесі дидактикалық ережені сақтау арқылы жүзеге асады: белгіліліктен белгісіздікке, жеңілден ауырға, қарапайымнан ауқымдылыққа қарай.
Пәнаралық байланыс ұстанымы ретроспективтілік, параллельділік және перспективалық сипатқа ие бола отырып, келесі екі тәсіл арқылы жүзеге асады:
«Шетел тілі» пәнінің тілдік тақырыбымен байланысатын оқу жоспарындағы «Тіл және әдебиет», «Тіл және қоғам», «Өнер» және т.б. пәндер бойынша білімін қолдану;
шетел тілін меңгеруде басқа пәндерді меңгерудегі әрекетті тасымалдау: мәтіннен ақпаратты алу, мәтінді мағыналық бөлікке бөлу, басты және қосалқы ақпаратты анықтай алу және т.б. (әдебиетпен байланыс): өзектендіру, салыстыру, жүйелеу, қарама-қайшы қою, себеп салдар байланысын анықтау және т.б. тәсілдер (ана тілімен байланыс).
Әдістеменің жекелеген ұстанымдары: ана тілін ескеру ұстанымы, жағдаяттық ұстаным, аппроксимация ұстанымы.
Оқу үрдісін тиімді ұйымдастыруда балаларға жеткен жетістіктерін сезінуге жағдай туғызатын жағымды орта жасау маңызды болып табылады.
Пән бойынша оқу жүктемесі. Қазақстан Республикасы мемлекеттік жалпыға міндетті білім беру стандартының типтік оқу жоспарына сәйкес 5-9 сыныптарда неміс тілін оқытуға аптасына әр сынып үшін 2 сағаттан беріледі. Жылына - 68 сағат, берілетін сағат санының жалпы саны ― 340 сағат.
Оқу пәні мазмұнының вариативтік бөлігі негізгі орта білім берудің мемлекеттік жалпыға міндетті стандарты шеңберінде қосымша оқу бағдарламасын жүзеге асыруға бағытталған.
Білім беру мазмұнының вариативтік бөлігі оқушылардың жеке ерекшеліктерін ескере отырып жеке мінез құлығын дамытуды қамтамасыз етеді; оқушылардың және олардың ата-аналарының білімдік сұраныстары ескеріле отырып оқытуды ұйымдастыру арқылы жүзеге асады.
«Неміс тілі» пәнін тереңірек оқыту үшін тақырыптар бойынша келесідей вариативтік бағдарламаларды дайындауды ұсынуға болады:
5 сынып: Ein Witz
6 сынып: Lied: Geschmackssache, Taschengeld: wie viel, wofür?
7 сынып: Fotoroman
8 сынып: Interview, Typisch deutsch?
9 сынып: Früher und heute
III. ОҚУ ПӘНІНІҢ БАЗАЛЫҚ МАЗМҰНЫ
Сынып бойынша оқытудың негізгі мазмұнын сағаттарын көрсете отырып бөлу
5 СЫНЫП
(аптасына - 2 сағат, жылына - 68 сағат)
5. Klasse (2 Stunden – 68 Stunden)
1. Тілдік бөлім
Сөздің фонетикалық сипаты
Неміс тілінің артикуляциялық базасының ерекшелігі, просодия компоненттері туралы түсінік: екпін, үзіліс, әртүрлі сөйлемдердің ритмикалық интонациялық үлгілері:болымды, сұраулы, түрткі. Неміс тілінің барлық дыбыстарын дұрыс дыбыстау және ажырату, сөйлеуде айтылым мақсатына сай түрлі интонациялық үлгілерді қолдану.
Құрамында тұрақты сөз тіркестері, бағалаушы лексика, реплика клишелері бар 130 жаңа лексикалық бірліктерді меңгеру және оларды продуктивтік және рецептивтік деңгейде қолдану. Интернационалдық сөздер (der Film, das Konzert die Fabrik). Сөзжасам құралдары: аффиксация (зат есім жұрнақтары -ung, -keit / heit, -schaft), сын есім жұрнақтары: -ig/ lich.
Продуктивтік минимумның барлық сөздерінің мағынасы, фонетикалық және графикалық орфографиялық формалары.
100-ге дейінгі есептік сан есімдер, 31-ге дейінгі реттік сан есімдер, ашық рай (Indikativ): Futurum I, Präteritum, Perfekt шақ формалары, берілген оқу сатысына іріктеліп алынған көп қолданылатын әлсіз, әлді етістіктер (gehen, kommen, laufen, fahren, sehen, lesen, nehmen, geben), болымды және болымсыз формада етістіктердің бұйрық рай формасы (Imperativ), жай жалаң және жайылма сөйлемдер.
2.Коммуникативтік бөлім
Сөйлеу. Диалог сөз. Диалог сұрақ инициативті және реактивті режимінде (тақырып шеңберінде). Диалог әрекетке түрткі ретінде. Өтініш, өтінішті орындауға дайын болу және бас тарту (екі жақтан 2-3 репликадан).Этикет диалогы (диалогқа қатысушыдан 3 репликаға дейін). Диалог сөз көлемі – әр коммуниканттан 4 репликаға дейін.
Монолог сөз. Өзі, жанұясы, жанұя мүшелері, досы, оқу құралдары, үйірмелер, спорт секциялары туралы ақпарат. Суретті, заттарды, аңдарды және т.б. (тақырып шеңберінде) сипаттау. Оқылған мәтінге байланысты ақпарат беру. Монолог сөз көлемі 6-7 фразаға дейін.
Тыңдап түсіну. Мұғалімнің дидактиалық сипаттағы негізгі нұсқауларын, биографиялық сипаттағы ақпараты бар жай сөйлемдерді (жасы, туған жылы және мекен-жайы, қызығушылығы, оқу, сабақ, жақсы немесе ұнатпайтын заттары, жанұя және оның мүшелеріне қатысты жай сөйлемдер мен сұрақтар, қай жерде екені туралы ақпарат, радио теледидар бойынша хабарландырудың даталары). Адамның қарапайым әрекеттерін көрнекілікке сүйене отырып түсіну, уақытты, супермаркетте радиохабарландыру арқылы берілетін тауар бағаларын түсіну, ақпараттың дұрыс немесе бұрыс екенін түсініп анықтау. Ақпараттың дыбысталу уақыты 40 секундқа дейін. Тест тапсырмаларындағы жалпы дыбысталу уақыты 3 минуттан аса. (5 ақпарат 40 секундтан).
Оқу. Неміс тілі жүйесінің негізгі дыбыстық, әріптік сәйкестіктері, сөздік минимумның оқу ережелері. Сөздерді, сөз тіркестерін, сөйлемдерді фонетикалық жағынан дұрыс жеткізе отырып аутенттік мәтіндерді мәнерлеп оқу (хабарландырулар, жарнамалық мәтіндер, әсемхаттар, құттықтаулар, хаттар, қысқа әңгімелер). Зерттей оқу стратегиялары (мәтін материалын ақпараттық өңдеу, тілдік болжам, қостілді сөздікті қолдану, алынған ақпаратты сөз әрекетінің басқа түрлерінде (продуктивтік) қолдану. Мәтін көлемі – 180-200 сөз.
Қарап шығу стратегиялары (аутенттік мәтінді қарап шығу: хат, әсемхат, газет хабарландыруы, жарнамалық мәтін) және коммуникативтік тапсырманы орындауға қажетті немесе оқушыларға қызықты ақпаратты таңдау. Мәтін көлемі – 100 сөз.
Таныса оқу стратегиялары (тақырыпқа, иллюстрацияға сүйене отырып мәтін мазмұнын болжау, негізгі ойды анықтау, қосалқы ақпаратқа көңіл бөлмей мәтіндегі негізгі фактілерді жинау). Мәтін көлемі – 250 сөз.
Жазу. Жазбаша тұлғааралық және мәдениетаралық қарым-қатынас формалары – неміс тілді елдердегі жазбаша қарым-қатынас жасау формаларының дәстүрлері мен ұлттық мәдени ерекшеліктерін білу. Таяныш сөздерге сүйене отырып ата-анасы туралы жеке хат жазу (аты-жөні, жасы, тұратын жері, жұмысы, меңгерген тілдері, мекен жайы, телефон, E-mail) 5-6 сөйлем, сонымен қатар таяныш сұрақтар негізінде қала туралы әсемхат (аты, орналасқан жері, көрнекі жерлері) жазу, хат (сатып алу, киноға, театрға саяхат, үйірмеге немес спорт секциясына бару және т.б.) жазу, анкеталық мағлұматтары көрсетілген қағаздар толтыру.
3.Әлеуметтік – мәдени бөлім
Тарихи мәдени викториналар үшін сұрақтар мен жауаптарды құру, неміс тілді елдер мен өз елінің мәдениетіндегі ұқсастықтар мен ерекшеліктерді анықтау, өз елі мен мәдениетін неміс тілінде таныстыру, реалияларды тану және олардың мағынасын қостілді сөздіктен табу.
I. Әлеуметтік – тұрмыстық ая
1. Менің жанұям және мен: жанұя мүшелерімнің бет әлпеті. Менің достарымның мінездері және жеке қасиеттері.
2. Біз сауда жасаймыз (киім кешек, тұрмыстық заттар, оқу құралдарын сатып алу). Ақша.
Bereich des Alltagslebens
Meine Familie und ich: das Äußere meiner Familienangehörigen. Charakter und Charaktereigenschaften meiner Freunde.
Wir machen Einkäufe (Kleidung, Haushaltsgeräte, Schulsachen). Geld.
II. Әлеуметтік – мәдени ая!
1. Германия астанасына серуен жасайық! Көрнекі жерлерді тамашалайық! Сен шетелдік қонақтарға Қазақстан республикасы астанасының қандай көрікті жерлерін тамашалауға кеңес бересің?
2. Сапарларыңыз сәтті болсын! Транспорт түрлері.
3. Олимпиада ойындарының тарихы туралы мен не білемін?
4. Мен өте жақсы көремін (киноны, теледидарды, театрды, радионы). Менің сүйікті әртістерім.
Sozial-und Kulturbereich
Gehen wir durch die Hauptstadt Deutschlands spazieren! Besichtigen wir die Sehenswürdigkeiten! Welche Sehenswürdigkeiten in Astana (Almaty) kann man ausländischen Gästen zur Besichtigung empfehlen?
Gute Reise! Verkehrsmittel.
Was weiß ich aus der Geschichte der Olympischen Spiele?
Ich schwärme für (Filme, Fernsehen, Theater, Rundfunk). Meine Lieblingsschauspieler.
III. Оқу – еңбек аясы
1. Менің сүйікті пәндерім. Менің және шетелдік құрбыласымның оқу жүктемесі.
2. Мен қатысамын (үйірмеге, қызығушылық бойынша клубқа, спорт секцияларына).
Schul-und- Arbeitsbereich
Meine Lieblingsfächer.
Meine Schulfächer und die Schulfächer meines deutschsprachigen Altersgenossen. 2. Ich besuche (Jugendgruppen, Klubs, Sportvereine).
6 СЫНЫП
(аптасына - 2 сағат, жылына - 68 сағат)
6. Klasse (2 Stunden – 68 Stunden)
1. Тілдік бөлім
Сөздің фонетикалық сипаты
Неміс тілінің артикуляциялық базасының негізгі сипаттамаларын ескере отырып сөздерді, сөз тіркестерін, сөйлемдерді анық дыбыстау: дауысты дыбыстардың артикуляциясының тұрақтылығы, буынның немесе сөздің басында дауысты дыбыстардың «қатты қарқынмен» айтылуы, p, t, k қатаң дауыссыздарының айтылуы, дауыссыз дыбыстардың ассимиляциясы, монолог және диалог мәтіндерін дұрыс оқу, кірме сөздерді дұрыс дыбыстау. Сөздегі және ритмикалық топтар ішінде дыбыстардың модификация ережелерін сақтай отырып неміс тілінің барлық дыбыстарын дұрыс дыбыстау және ажырату.
Сөздің лексикалық сипаты
Продуктивтік лексикалық минимум құрамына 120+770 (сөйлеу және жазу) лексикалық бірлік және ұлттық мәдени семантикалық компонентті тұрақты сөз тіркестер мен реплика клишелер енеді.
Сөзжасам құралдары:аффикстермен: зат есім жұрнақтары: -e die Schule, -chen/lein: das Mädchen, das Häuschen, -tät (Qualität), -ik (Mathematik); ein- (Einwohner), an- (Ankunft), ver- (Veränderung);
Сын есім жұрнақтары: -los (arbeitslos), -mäβig (fahrplanmäβig), -al (international);
Етістік жұрнақтары: zu- (zuhören), aus-(aussprechen), vor- (vorlesen), mit-(mitfühlen), weg-weggehen), an-(ankommen) zurück-(zurückkommen), um-(umziehen);
Сөз біріктіру: зат есім + зат есім: das Wörterbuch, сын есім + зат есім: Leichtathlet, етістік + зат есім: Esslöffel, Fahrstuhl;
Үстеу жұрнағымен: -s, -ens: meistens, öfters;
Жазылуы мен дыбысталуы ұқсас (mit dem Stock gehen / im 2. Stock wohnen), дыбысталуы ұқсас, бірақ жазылуы бөлек - (Meer – mehr, sehen – die Seen) сөздерді салыстыру және топтастыру.
Неміс тілді елдердің мәдениетін көрсететін кең таралған тұрақты сөз тіркестері, бағалаушы лексика, сөз этикетінің реплика клишелері.
Сөздің грамматикалық сипаты
Көп қолданылатын әлді және ережеге бағынбайтын (nennen, kennen) етістіктерінің ашық райдың шақ формалары Präteritum, Perfekt, өздік етістіктердің жіктелуі, тілек білдіру үшін (Er würde gern ins Kino gehen) шартты райының шақ формалары Konjunktiv Präteritum, сын есімдердің және үстеулердің шырайлары, есептік сан есімдер (100 ден ары), реттік сан есімдер.
Жай сөйлемдердің барлық түрі, welcher, welches, welche сұраулы есімдіктері, nicht, kein жоққа шығару, ашық райдың шақ формалары: Plusquamperfekt, Futurum 1, көсемше, етістіктердің бұйрық рай формасы, dass шылауы бар бағыныңқы сөйлем.
2. Коммуникативтік бөлім
Сөйлеу. Диалог сөз. Стандартты жағдаяттардағы этикетті сипаттағы диалог. Этикетті диалог көлемі (екі жақтан әр коммуниканттан 4 репликаға дейін), инициативтік және реактивтік репликалар режиміндегі диалог сұрақ (тақырып шеңберінде), бағалаушы ой пікірлер, бағалаушы ой пікірлерін қолдана отырып стандартты жағдаяттарда пікір алмасу (сәлемдесу, сыйлық үшін алғыс білдіру, хобби, сүйікті музыканттары, спортшылары және т.б. туралы әңгімелесу), өтініш білдіру, кеңес беру, өзара әрекет жасауға шақыру іскерліктері және т.б., типтік жағдаяттар (сатып алу, дәрігерде). Аталған диалогтар көлемі әр коммуниканттан 5 репликаға дейін.
Монолог сөз. Күнделікті не жасалғаны туралы қысқаша әңгімелеу, Қарым-қатынас жасаудың негізгі аялары және сөйлеу тақырыптары шеңберінде ел туралы қысқа ақпарат дайындау (өз елінің мәдени салт-дәстүрлері, өз елі мен әлем мәдениетіне үлкен үлесін қосқан қайраткерлер туралы). Белгілі сөз клишелерін қолдана отырып оқығанына, тыңдағанына өзінің пікірін білдіру (дұрыс немесе бұрыс). Суретті, фотоны сипаттау (тақырып төңірегінде). Сөздің коммуникативтік түрлері, яғни кешенді коммуникативтік тапсырмаларды орындау: ақпарат және сипаттау, әңгіме және сипаттама. Монолог сөз көлемі 10 фразаға дейін.
Тыңдап түсіну. Тыңдап түсінуде шеттілдік айтылымды қабылдау және түсіну. Дидактикалық сипаттағы нұсқауларды толық түсіну (тапсырмалар, нұсқаулар және т.б.), вокзалдағы пойыздың келу, кешігуі туралы, аэропорттағы, универмагтағы қысқа радиохабарламаларды түсіну, оқытудың берілген деңгейіндегі тақырыпқа қатысты ақпараттың дұрыс немесе дұрыс емес екендігін түсіну және анықтау, көрнекілікке сүйене отырып датаны, апта күнін, есімдерді, қарапайым әрекеттерді, қысқа диалогтарды түсіну және оларды визуалды бейнелеумен сәйкестендіру. Прагматикалық сипаттағы шағын аутенттік мәтіндердің негізгі мазмұнын таныс емес сөздердің мағынасын контекст арқылы, ана тілімен ұқсастығына сүйене болжай отырып және ақпарат алуға кедергісін тигізбейтін сөздерге назар аудармай (хабарландырулар, ауа райы, теле/радиохабарлардың бағдарламалары және т.б.) түсіну. Күрделі емес диалогтық және монологтық сипаттағы аутенттік мәтіндердің мазмұнын қайтадан сұрап, ақпаратты анықтай отырып түсіну (толық түсіну, ішінара түсіну). Алынған ақпаратты сөз әрекетінің басқа түрлерінде (продуктивтік) қолдану.
Ақпараттың айтылу уақыты 60 секундқа дейін. Тест тапсырмаларында жалпы дыбысталу уақыты 5 минутқа дейін. (5 ақпарат 60 секундтан).
Оқу. Неміс тілі жүйесінің негізгі дыбыстық әріптік сәйкестіктері, сөздік минимумның оқу ережелері. Әртүрлі жанрдағы аутенттік мәтіндерді мәнерлеп оқу (хабарландырулар, жарнамалық мәтіндер, әсемхаттар, құттықтаулар, хаттар, қысқа әңгімелер), сөздерді, сөз тіркестерін, сөйлемдерді фонетикалық жағынан дұрыс айту, үзіліс, сөз және фраза екпінін дұрыс сақтау.