скачать doc
ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
Ы.АЛТЫНСАРИН АТЫНДАҒЫ ҰЛТТЫҚ БІЛІМ БЕРУ АКАДЕМИЯСЫ
АҒЫЛШЫН ТІЛІ
ОҚУ БАҒДАРЛАМАСЫ
5-9 сыныптар
Астана
2010
ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
Ы.АЛТЫНСАРИН АТЫНДАҒЫ ҰЛТТЫҚ БІЛІМ БЕРУ АКАДЕМИЯСЫ
АҒЫЛШЫН ТІЛІ
оқыту қазақ тілінде жүргізілетін жалпы білім беретін
мектептің 5-9 сыныптарына арналған
ОҚУ БАҒДАРЛАМАСЫ
Астана
2010
Қазақстан Республикасы Білім және ғылым министрінің 09.07.2010 жылғы №367 бұйрығымен бекітілген
Бағдарлама авторлары: Аяпова Т. Т., Бұқабаева Б. Е., Атейбек С. Т.
Оқыту қазақ тілінде жүргізілетін жалпы білім беретін мектептің 5–9 сыныптарына арналған «Ағылшын тілі» оқу бағдарламасы. – Астана, 2010. – 31 б.
© Ы.Алтынсарин атындағы
Ұлттық білім беру академиясы, 2010
І. ТҮСІНІК ХАТ
Ұсынылып отырған «Шетел тілі» (ағылшын тілі) оқу пәні білім берудің «Тіл және әдебиет» саласына кіреді. Оқу пәні тіл материалын (фонетика, лексика, грамматика), сөз әрекетінің түрлерін (тыңдап түсіну, сөйлеу, оқу және жазу), оқытылып отырған тілдің мәдениетаралық-коммуникативтік қызметін қамтиды.
«Шетел тілі» пәнінің мектептегі басқа пәндерден ерекшелігі сол, ол тек тілдік білім жүйесін (фонетикалық, лексикалық, грамматикалық) оқытумен шектелмейді, ең бастысы шетел тіліндегі сөз әрекетін мәдениетаралық қарым-қатынас құралы ретінде меңгертіп, нәтижесінде көптілдік және көптүрлі мәдениетті түсінетін тұлғаны қалыптастырудағы рөлімен дәйектеледі.
Оқытуда екінші тілдік тұлғаны қалыптастыруға септігін тигізетін тіл формасы мен мазмұнының ара қатысы, тіл мен мәдениеттің, тіл мен ойдың өзара тікелей байланысы аталған пәннің негізгі заңдылықтарының негізін қалайды.
Оқу пәні ретінде шетел тіліне басқа пәндермен өзара пәнаралық байланыс тән, себебі шетел тіліндегі сөйлеудің пәндік мазмұны басқа білім салаларынан алынатын мағлұматтарға сүйенеді. Пәнаралық байланыстарды жүзеге асырудың білімдік әрекеттік нәтижесі оқушылардың универсалды сипаттағы білімдерін кеңейтуде, шеттілдік қарым-қатынастың пәндік мазмұндық аспектісін байытуда, оқу мотивациясын арттыруда, жеке тұлғаны және оның білім алу мен өзін-өзі жетілдіруін дамытуда көрінеді.
Негізгі мектепке арналған ағылшын тілі курсы жалпы орта білім беру деңгейінде білім алуға дайындауға бағытталады, яғни ол шетел тілін меңгерудің жалпы европалық деңгейлеріне (А1), (А2) сәйкес келеді. Ағылшын тілін оқыту тәрбиелеу, басқа ұлт мәдениетін және өкілдерін танып (ұғынып) өзара әрекет ету құралы ретінде, шетел тілін әрі қарай меңгеруін дамытуға бағытталған: негізгі орта мектеп (5-9 сыныптар). Осыған сәйкес негізгі орта мектепте ағылшын тілін оқытудың мақсаттары мен міндеттері анықталады.
Оқу пәнінің жалпы мақсаттары:
Шетел тілін оқытуда 2-4 сыныпта қол жеткен оқытудың бастапқы деңгейін негізге ала отырып, негізгі орта білім беру деңгейінің үздіксіздік ұстанымына сәйкес шеттілдік біліктіліктердің ары қарай тереңінен қалыптасуы мен дамуын көздейді. Оқушылардың шетел тілі бойынша дайындығының негізгі (жалпы білім беру) деңгейінің мазмұны А1 және А2 деңгейіне сәйкес келеді.
«Шетел тілі» оқу пәнінің жалпы мақсаттары:
көптілдік тұлғаны қалыптастыру: әлемдік мәдени құндылықтарды бағалау, мәдениет диалогы арқылы өз елінің мәдениеті туралы білімін кеңейту, дүниеге гуманистік көзқарасты тәрбиелеу;
мәдениетаралық коммуникативтік біліктіліктер мен оның құрамдық бөліктерін қалыптастыру: тілдік – тілдік құралдарды және оларды шеттілдік қарым-қатынас жасауда қолдану ережелерін меңгеру, сөздік – сөз әрекетінің 4 түрінде шетел тілінде қарым-қатынасты жүзеге асыру, әлеуметтік-мәдени, лингвомәдени, компенсаторлық –лингвистикалық құрал ретінде вербальды (синонимдер, антонимдер, парафразалар, дефиниция) және вербальды емес (ым-ишара, мимика, дене қозғалысы) жолдарын қолдана алу қабілетін қалыптастыру;
жалпы европалық деңгейлер шеңберінде (А1, А2) оқушылардың тілін оқып отырған елдің мәдени нормаларын, салт дәстүрлерін өз елі мәдениетінің ұлттық салт дәстүрлерімен салыстыра отырып меңгерту;
оқу-тілдік жағдаяттарында дұрыс лингвомәдени қарым-қатынас жасау қабілетін қалыптастыру;
тілді тек қана коммуникативтік мақсатта ғана емес, сонымен қатар әлемдік шеттілдік ортаны тану құралы ретінде қолдану; ағылшын тілі құралдары арқылы оқушылардың танымдық әрекеттерін ары қарай дамыту: ойлау, есте сақтау, назар аудару, ерік-жігер қасиеттері және шетел тілін ары қарай меңгеру мен білімен жетілдіру үшін қызығушылығын арттыру;
ағылшын тілін меңгеруде спецификалық іскерліктерді қалыптастыру: қостілдік, түсіндірме сөздіктермен, шеттілдік мәтіндермен, сөздік және грамматикалық минимуммен жұмыс істеу, ақпараттық коммуникациялық технологияларды меңгеру.
5-9 сыныптарда «Шетел тілі» (ағылшын тілі) оқу
пәнінің міндеттері:
мәдениетаралық коммуникативтік біліктіліктерді барлық құрамды бөліктерімен жалпы европалық деңгейлік стандартқа сәйкес (А1, А2 деңгейлері) ары қарай дамыту;
жеке тұлғаға бағытталған, біліктілік, жүйелілік, лингвомәдени және проблемалық тәсілдер негізінде шеттілдік білім беруді жүзеге асыру;
проблемалық сипаттағы тапсырмаларды шешу, оқып отырған тіл құралдарын қолдана отырып өз бетінше шешім қабылдау іскерліктерін қалыптастыру;
оқушыларда шетел тілін меңгеруде өзін-өзі бағалау іскерліктерін қалыптастыру: өз ісіне талдау жасау, өзін-өзі бағалау, білім алуға талпыну;
шетел тілін оқыту және тілін оқып отырған ел мен өз елінің мәдениет диалогы процесінде интеллектуалдық және шығармашылық қабілетерін дамыту.
Оқу пәнінің мазмұнын іріктеу әдіснамалық, сондай-ақ жалпы дидактикалық және әдістеменің төл ұстанымдарына негізделеді.
Әдіснамалық ұстанымдар: танымдық, коммуникативтік, әлеуметтік-мәдени, лингвомәдени рефлексивтік дамытушылық.
Жалпыдидактикалық ұстанымдар:
Үздіксіздік ұстанымы әдіснама, әдістеме, оқыту мазмұны мен технологиясының оқытудың барлық деңгейлерінде өзара байланыста болуын қамтамасыз етеді.
Саналылық ұстанымы шетел тілін оқытуда «саналы оқытудың құрамдас бөлігі» ретінде ана тілінің қатысын қамтамасыз етеді; тілдік білімді шеттілдік тәжірибеге дейін жеткізуді көздейді; шетел тілін оқыту үрдісінде өз бетінше саналы түрде шешім қабылдауға үйретеді.
Көрнекілік ұстанымы баланың ойында мағынаның қабылдануын нақты жағдаятта «сол ортада өзін сезінетіндей жағдай туғызатын» барлық көрнекіліктерді (вербальді, иллюстративтік, сонымен қатар мұғалім қолданатын ым-ишара) қолдана отырып қамтамасыз етуді көздейді.
Белсенділік ұстанымы үш топ ұстанымын қамтиды: жеке тұлғаға бағытталған, мәдениетке бағытталған және әрекетке бағытталған ұстаным. Жеке тұлғаға бағытталған ұстанымға төмендегілер кіреді: барабарлық ұстанымы, дамытушылық ұстанымы, психологиялық тұрғыдан жайлылық ұстанымы. Мәдениетке бағытталған ұстаным құрамында: әлем бейнесі ұстанымы, білім беру мазмұнының тұтастық ұстанымы, жүйелілік ұстанымы, әлемге мағыналық тұрғыдан қарау ұстанымы, білімнің мақсатқа бағытталу ұстанымы, мәдени стереотип және әлемдік көзқарас ретінде мәдениетке бағытталған ұстаным енеді. Әрекетке бағытталған ұстаным тобы оқушының оқу әрекетін басқаратын ережеден тұрады: әрекеттегі оқу ұстанымы, оқу жағдайындағы әрекеттен шынайы өмір әрекеті жағдаятын ауысу ұстанымы, оқу танымдық әрекеттен оқушының өз бетінше әрекетіне ауысу ұстанымы, дамытушылыққа сүйенетін ұстаным, шығармашылық іскерлігі және шығармашылық қажеттілікті қалыптастыру ұстанымы.
Жүйелілік және бірізділік ұстанымы сабақ, тақырып, тоқсан үрдісінде тілдік материалды қайталау, қорытындылау және жүйелеу негізінде келесі дидактикалық ережені сақтау арқылы жүзеге асады: белгіліліктен белгісіздікке, жеңілден ауырға, қарапайымнан ауқымдылыққа қарай.
Пәнаралық байланыс ұстанымы ретроспективтілік, параллельділік және перспективалық сипатқа ие бола отырып, келесі екі тәсіл арқылы жүзеге асады:
«Шетел тілі» пәнінің тілдік тақырыбымен байланысатын оқу жоспарындағы «Тіл және әдебиет», «Тіл және қоғам», «Өнер» және т.б. пәндер бойынша білімін қолдану;
шетел тілін меңгеруде басқа пәндерді меңгерудегі әрекетті тасымалдау: мәтіннен ақпаратты алу, мәтінді мағыналық бөлікке бөлу, басты және қосалқы ақпаратты анықтай алу және т.б. (әдебиетпен байланыс): өзектендіру, салыстыру, жүйелеу, қарама-қайшы қою, себеп салдар байланысын анықтау және т.б. тәсілдер (ана тілімен байланыс).
Әдістеменің жекелеген ұстанымдары: ана тілін ескеру ұстанымы, жағдаяттық ұстаным, аппроксимация ұстанымы.
Оқу үрдісін тиімді ұйымдастыруда балаларға жеткен жетістіктерін сезінуге жағдай туғызатын жағымды орта жасау маңызды болып табылады.
Пән бойынша оқу жүктемесі. Қазақстан Республикасы мемлекеттік жалпыға міндетті білім беру стандартының типтік оқу жоспарына сәйкес 5-9 сыныптарда ағылшын тілін оқытуға аптасына әр сынып үшін 2 сағаттан беріледі. Жылына - 68 сағат, берілетін сағат санының жалпы саны ― 340 сағат.
Оқу пәні мазмұнының вариативтік бөлігі негізгі орта білім берудің мемлекеттік жалпыға міндетті стандарты шеңберінде қосымша оқу бағдарламасын жүзеге асыруға бағытталған.
Білім беру мазмұнының вариативтік бөлігі оқушылардың жеке ерекшеліктерін ескере отырып, жеке мінез-құлығын дамытуды қамтамасыз етеді; оқушылардың және олардың ата-аналарының білімдік сұраныстары ескеріле отырып оқытуды ұйымдастыру арқылы жүзеге асады.
«Ағылшын тілі» пәнін тереңірек оқыту үшін тақырыптар бойынша келесідей вариативтік бағдарламаларды дайындауды ұсынуға болады:
5 сынып: My hobby (sport, Internet, etc.)
6 сынып: My foreign friends study Kazakh and Russian
7 сынып: School exchanges. Correspondence
8 сынып: The world of youth
9 сынып: Family traditions in Kazakhstan and Britain
II. ОҚУ ПӘНІНІҢ БАЗАЛЫҚ МАЗМҰНЫ
Сағат санын көрсете отырып, сынып бойынша білімнің базалық мазмұнын бөлу
5 СЫНЫП
(аптасына - 2 сағат, жылына - 68 сағат)
1. Оқытудың тілдік бөлімі
Сөйлесімнің фонетикалық сипаты.
Дыбыстардың артикуляциялық айырмашылығы; ағылшын тілінде барлық дыбыстардың дұрыс айтылуын ажырата және айта білу; сөздер мен сөз тіркестеріндегі екпіннің дұрыс қойылуы; әр түрлі сөйлемдерде дұрыс интонацияны таңдау: (жай , сұраулы, бұйрықты сөйлемдер).
Сөйлесімнің лексикалық сипаты.
Лексика, тақырып ауқымындағы қатысымдық жағдаяттарға қажетті актив және пассив сөздік (130) қор. Ағылшын тіліндегі этикеттік орамдардың қарапайым түрлері, тұрақты орамдар, клишелер. Сөзжасам: - ness, -ship, -ist, -ing, -dom жұрнақтары; сын есімнің жұрнақтары: –y, -ly –ian. Лексикалық минимумның орфографиясы.
Сөйлесімнің грамматикалық сипаты
Past Continuous Tense, Present perfect Tense конструкцияларындағы –ing жалғауы бар етістіктер; to love/hate doing smth, stop talking, Present, Past Simple шақтарындағы Active voice формасындағы ең көп қолданылатын дұрыс және бұрыс етістіктер; модалдік реңкті етістіктерімен олардың эквиваленттерінің қолданылуы /must, have to, should/. Сын есімнің шырайлары, соның ішінде ережеге сай емес жасалатын сын есім шырайлары; салалас-құрмалас сөйлемдердің (or), салалас сабақтас сөйлемдер (when, why, who, because, that’s why ); өздік есімдіктердің абсолюттік түрі /mine/; белгісіз есімдіктер /some, any/ үстеу /early/; есептік 100-ден жоғары және реттік 20-ға дейінгі сан есімдер. Предлогтар: into,out of, up,down,over,round,from,to
2. Оқытудың коммуникативтік бөлімі
Сөйлеу. Диалог сөз. Диалог сұрақ. Диалог әрекетке түрткі. Өтініш, өтінішті орындауға дайын болу және бас тарту (екі жақтан 2-3 репликадан). Монолог сөз. Өзі туралы ақпарат. Суретті, заттарды, аңдарды және т.б. (тақырып шеңберінде) сипаттау. Монолог сөз көлемі 5 -6 фраза. Тыңдап түсіну. Күнделікті өмірдегі қарапайым және нақты жағдаяттарда мұғалімнің, сыныптастарының және сол тілде сөйлеушілердің сөзін тікелей қарым-қатынаста түсіну, жанама қарым-қатынаста жеңіл аутенттік мәтіндердің мазмұнын көрнекілікке және тілдік болжамға сүйене отырып түсіну. Оқу. Таныс тілдік материал негізінде оқу ережелерін сақтай отырып дыбыстау ритмикалық интонациялық дағдыларды көрсете отырып шағын мәтіндерді мәнерлеп оқу, мәтіннен қажетті ақпаратты алу, түсінгенін сурет, кесте, сұраққа жауап ретінде көрсету. Таныс материал негізінде іштей оқи отырып мәтін мазмұнын толық түсіну, іштей оқи отырып кейбір жаңа сөздері бар жеңіл түпнұсқалы мәтіндердің негізгі мазмұнын түсіну. Жазу. Жазуда орфографиялық дағдылар мен іскерліктерді қалыптастыру. Лексикалық минимумның барлық сөзін орфографиялық жағынан дұрыс жазу, сөздерді орнына қою, көрнекілікке сүйене отырып жаттықтырушы тапсырмаларын орындау, жазбаша сұрақ қою және жауап беру, қысқа құттықтаулар (туған күнімен, жаңа жылмен), үлгіге сүйене отырып хат жазу, жеке басына қатысты ақпарат қажет қағаздар (формуляр) толтыру.
4. Оқытудың сөйлеу тақырыптары
1.Менің жанұям және мен: жанұя мүшелерімнің бет әлпеті. My family and me: Appearance;
2.Менің достарымның мінездері және жеке қасиеттері. My friends. Character, personal qualities.
3. Менің үйім. Менің пәтерім. Үй шаруасына көмектесу. My house. My flat. Household chores.
4. Үйжануарлары. Pets in our life.
5. Біз сауда жасаймыз (киім кешек, тұрмыстық заттар, оқу құралдарын сатып алу). Ақша. Shopping (clothes, electric appliances, stationary, souvenirs).Money.
6. Менің туған күнім (жанұялық дәстүрлер). My birthday. Family traditions
II. Әлеуметтік мәдени ая
1.Лондон қаласымен танысу. Шетелдік достарыңа Астана қаласының көруге ұсынатын көрнекті жерлері. A glimpse of London. The places of interest of Astana you can recommend to your foreign friends.
2. Саяхат. Көлік түрлері. Traveling. Types of transport
3.Сенің мекніңнің табиғаты. Жыл мезгілдері. Nature of your place. Seasons.
4.Мерекелер . Holidays.
5.Кино,театр, ТВ, радио. Менің сүйікті әншім, әртісім Entertainment (cinema, theatre, TV, radio).My favorite actor, singer.
III. Оқу еңбек аясы
1.Біз мектепте және үйде нені үйренеміз? What we learn to do at home and at school. Things we are willing to do.
2. Менің сүйікті пәндерім. My favourite subjects.
3. Менің және шетелдік құрбыласымның оқу жүктемесі (пәндер, үй тапсырмалар). My foreign friends and my school life( subjects, homework)
4. Мен қатысамын (үйірмеге, қызығушылық бойынша клубқа, спорт секцияларына). I am a member of the English club( sports sections, hobby-groups)
6 СЫНЫП
(аптасына - 2 сағат, жылына - 68 сағат)
1. Оқытудың тілдік бөлімі
Сөйлесімнің фонетикалық сипаты
Ағылшын тілінің артикуляциялық базасының негізгі сипатын сақтай отырып сөздердің, сөз тіркестерінің, сөйлемнің айтылуы: сөз соңындағы дауыссыз дыбыстардың артикуляциясы; әр түрлі сөйлемдердің (құрмалас салалас, құрмалас сабақтас сөйлемдер) айтылуындағы ырғақ-интонацияның дағдылары; диалогтік және монологтік мәтіндерді үндендіру; кірме сөздердің айтылуы.
Сөйлесімнің лексикалық сипаты.
/120/ лексикалық бірлікті қамтитын продуктивті лексикалық минимум, тұрақты сөз тіркестер, ұлттық-мәдени компоненттерімен түрлі репликалар және кейбір сөзжасам құралдары: –er, -tion жұрнақтары бар зат есімдер. un- префиксі бар сын есімдер, жұрнақтары бар сын есімдер, зат есім+ зат есім , конверсия Лексикалық минимумның орфографиясы
Сөйлесімнің грамматикалық сипаты
Present Simple, Past Simple; Future Simple, to be going to жасалуы және қолданылуы; модальды етістіктер: can, could, should, may; белгісіздік есімдіктер: some, any; сын есімнің шырайлары (comparatives and superlatives) және үстеу; предлогтар: on, in, at, into, to.
2. Оқытудың коммуникативтік бөлімі
Тілдесім. Диалогтік сөйлесім. стандартты қарым-қатынас жағдаяттарындағы этикеттік сипаттағы диалогта тілдік этикеттің сәйкес формуласын қолдану; Этикеттік диалогтің көлемі: әр коммуниканттан 3-4 реплика болу керек. Сынып тақырып аясында инициативті реплика қалай болса, реактивті реплика солай болу режіміндегі диалог-түрткі (Диалог-сұрақ. Диалог-түрткі); стандартты жағдаяттарда (сәлемдесу, сыйлыққа рахмет айту, сүйікті ісі, музыканттар, спортсмендер және т. б.) жайлы сөйлесу, жасауы; типтік жағдаяттар (сауда жасау, дәрігердің қабылдауында) бойынша диалог құру.
Монологтік сөйлесім. оқу жағдаятына сәйкес, алдын-ала дайындықсыз қисынды және жүйелі түрде айтып беру; тақырып бойынша мәлімет жасау; бағдарламалық тілдік материалдарының аясында тыңдалған немесе оқылған мәтіннің негізгі мазмұнын өз сөзімен айтып беру; бір күн ішінде жасаған жұмыстары жайлы қысқаша мәлімет беру, өзінің дүкен аралағаны, сатып алған заттары туралы айтып беру; белгілі тілдік клишелерді қолдана отырып, өзінің оқыған немесе тыңдаған мәтіндеріне болымды/болымсыз пікірлерін беру; оқыған мәтін бойынша мәлімет беру; аталмыш сыныптың тақырып аясында суретті, фотоны суреттеу. Монологтік айтылым көлемі кемдегенде 9 фраза.
Тыңдалым. Дидактикалық сипаттағы: әмбебапта, әуежайда, вокзалда пойыздың келуі, кешігуі туралы қысқа радиохабарламаларды, аталмыш сыныптың тақырып аясында дұрыс/бұрыс ақпаратты түсіну; қарапайым әрекеттерді, есімдерді, апта күндерін, датаны көріп отырып түсіну; қысқаша диалогтар және олардағы әрекеттерді визуальды бейнесімен қиыстыру; алынған ақпаратты сөйлеу әрекетінің басқа (продуктивті) түрлерінде қолдану; Бір мәліметтің тыңдалуы 60 сек. дейін. Тест тапсырмаларының жалпы тыңдау көлемі 5 мин. дейін (5 мәлімет 60 секундттан.).
Оқылым. Ағылшын тілі жүйесіндегі негізгі дыбыстық-әріптік сәйкестік; аталмыш сыныптың лексикалық минимумының оқу ережесі; аутентикалық мәтіндерді (хабарландыру, жарнамалық мәтіндері, құттықтаулар, хаттар, қысқа әңгімелер) мәнерлеп оқу; сөздік және фразалық екпін; Оқу және түсіну стратегиясы: қысқа қарапайым (таныса оқу түрі) мәтіндер; бар ақпаратты табу, түсіндіру (зерттей оқу); мәтіннен нақты коммуникативті мәселелерді шешу үшін ғана қажетті ақпаратты табу (іздестіре оқу ). Коммуникативті стратегияның таныстыру оқу түрін қолдану: иллюстрация, тақырып бойынша мәтін мазмұнын болжау; негізгі ой; болмашы мәліметтерді қалдырып отырып, негізгі фактілерді іріктеу. Мәтін көлемі 400 сөзге дейін. Коммуникативті стратегияның жете зер салып оқу түрі қолдану: тілдік болжамдарды, мәтіндік материалдарды өңдеу; екі тілдік сөздіктерді қолдану; алынған ақпаратты сөйлеу әрекетінің басқа (продуктивті) түрлерінде қолдану. Мәтін көлемі 300 сөзге дейін. Коммуникативті стратегияның іздестіре оқу / қарап шығу оқу түрі: аутентикалық мәтіндер қарастыру (жеке хат, открытка, газет хабарландыруы, жарнамалық мәтін) және оқушыларға қызық немесе коммуникативті тапсырмаларды орындауға қажетті ақпаратты іріктеу. Мәтін көлемі 150 сөзге дейін.
Жазылым. Ағылшын тілінде сөйлейтін елдерде қалыптасқан қарым-қатынастың жазба түрлерінің дәстүрлі және ұлттық-мәдени ерекшеліктері; тірек сөздерге сүйене отырып, бір күн ішінде істегені жайлы жазу; тірек сұрақтар негізінде суреттерді суреттеу; ресми шақыруға келіспеу/келісуді; тірек сөздерге сүйене отырып электорондық хат жазу (5-6 сөйлем); ауырып қалғандағы хал-жайы туралы, сауда жайы, спорт туралы өз пікірін білдіртіп электорондық хат жазу (5-6 сөйлем)
3. Оқытудың әлеуметтік мәдени бөлімі
Текстен реалилерді табу және оларды тақырыптық ұстаным бойынша жүйелеу; мәдени танымдық коолаждар, карталар, салыстырмалы кестелер; ағылшын тілінде сөйлейтін мемлекеттердің мәдениеті мен төл мәдениетінің арасындағы сәйкестіктер мен айырмашылықтар (аталмыш сыныптың тақырып аясында); өз елі мен оның мәдениеті туралы ағылшын тілінде айтып беру
4. Оқытудың сөйлеу тақырыптары
I. Әлеуметтік тұрмыстық ая
1. Менің жанұям, менің достарым және мен. Өткенді еске түсіру.
My family, my friends and me. Thinking about the past.
2. Сыйлықтар. Мен шетелдік досыма Қазақстаннан сувенир таңдаймын.
Shopping. Presents. I am choosing a souvenir from Kazakhstan for my foreign friend. Pocket money.
3. Салауатты өмір салты. Health and Food.
4. Адамның сырт бейнесі және киімдер. Appearance and clothes
II. Әлеуметтік мәдени ая
1. Менің жақсы көріп шұғылданатын ісім (кітаптар, маркалар және т.б.). Демалыс. Мерекелер. My hobby (books, stamps etc.). Holidays.
2. Ағылшын тілді елдердегі және Қазақстандағы белгілі тұлғалар.
The most famous people of the UK and Kazakhstan.
3. Денсаулық. Ауру мен жаман әдетке жол жоқ!
Health and fitness. Say “no” to bad habits
III. Оқу еңбек аясы
Менің болашақ жоспарларым. Кім болғым келеді?
My future plans. What am I going to be.
Табиғат (Табиғатты қорғау).
Nature (To learn to save our Nature)
7 СЫНЫП
(аптасына - 2 сағат, жылына - 68 сағат)
1. Оқытудың тілдік бөлімі
Сөйлесімнің фонетикалық сипаты
Ағылшын тіліндегі барлық дыбыстар мен дыбыс тіркестерінің айтылуы мен айырмашылығы (тақырып ауқымындағы);әр түрлі сөйлемдердің айтылуындағы ырғақ-интонацияның дағдылары; диалогтік және монологтік мәтіндерді үндендіру; кірме сөздердің айтылуы; тыңдап-түсіну дағдысын жетілдіру, сонымен қатар жаңа тілдік материалды меңгеруде де қолдану; коммуникативтік мақсатқа байланысты интонацияны қолдану.
Сөйлесімнің лексикалық сипаты
Лексика, тақырып ауқымындағы қатысымдық жағдаяттарға қажетті актив және пассив сөздік қор /130/. Ағылшын тіліндегі этикеттік орамдардың қарапайым түрлері, тұрақты орамдар, клишелер. Сөзжасам: dis,-un префиксі бар етістіктер, – ment зат есім аффиксі ; il, -ir, - able (ible, inter-) сын есім аффикстері; сын есім+сын есім, конверсия (to love – love, to run- run). Лексикалық минимумның орфографиясы.
Сөйлесімнің грамматикалық сипаты
Present Perfect Continuous, Past Perfect Tense, Future Perfect шақтарының жасалынуы мен қолданылуы; Past Indefinite Passive, Future Indefinite Passiveте етістіктердің қолдануы мен мазмұны; should, ought to, had better, used to, be used to модальді етістіктер және олардың эквиваленттері; осы және өткен шақтарда болымды сөйлемдерде Indirect Speechтің қолдануы; шақтардың қиысуының жасалуы; өздік есімдіктер self/-selves; little/few, a lot of; белгісіздік есімдіктер: other, another; сын есімнің шырайлары (good-better-the best); Герундий; Шартты рай (Zero, First Conditionals); предлогтар: till/until, after/before